Shteti nuk e ka asnjë, por Adriatik Kelmendi vaksinohet në Kosovë

Gazetari Adriatik Kelmendi njofton se është vaksinuar me vaksinën AstraZeneca.


Pas vaksinimit ai ka uruar që të gjithë qytetarët të kenë mundësi ta marrin vaksinën sa më shpejtë në Kosovë.

Ai ka treguar se si iu mundësua të vaksinohet.

Postimi i tij i plotë:

Organizata dhe Agjencitë e Kombeve të Bashkuara që veprojnë në Kosovë kanë mundësuar që të punësuarit e tyre, si dhe familjarët, ta marrin vaksinën nga mekanizmi Covax i BE-së. Unë sot e mora dozën e parë të vaksinës AstraZeneca, duke qenë bashkëshort i Zanës, e punësuar në UN Women.

Uroj që të gjithë kosovarët sa më shpejtë të kenë mundësi t’i marrin vaksinat dhe Kosova të mos mbetet vendi i fundit në Evropë me furnizim me vaksina.