Literatura shkollore në Kosovë në shumë raste përveç që është jo praktike dhe adekuate për grupmoshat, ajo në shumë raste edhe është totalisht e gabuar. Përveç që nuk u jep dije nxënësve, ajo edhe i dezinformon ata.

Tani kur mësimi po mbahet online, gabimet në këtë literaturë po i vërejmë çdo ditë.

Një nga rastet skandal të kësaj literature, vërehet te spjegimi për sëmundjen e HIV AIDS, ku nxënësve u thuhet se ajo transmetohet përmes ajrit, ushqimit e edhe peshqirëve.

Kjo, përveç dezinformimit, mund të shkaktojë edhe panik të fëmijët, e pse jo edhe te të rriturit, pasi dihet se HIV AIDS ende nuk është sëmundje e shërueshme.

Kjo sëmundje në fakt përhapet përmes marrëdhënieve seksuale, nga nëna shtatzanë tek bebja, dhe përmes gjakut, por jo përmes formave që mësuesit ua spejegojnë nxënësve kosovarë. /Reporteri.net