Skender Hyseni nga LDK ndërsa ka folur për deklarimin e kryeministrit Albin Kurti i cili ka thënë se “është arritur një marrëveshje mes Kosovës e Serbisë”, ai ka mohuar këtë, duke dhënë detaje për bisedën që ka zhvilluar me ambasadorin amerikan në Gjermani, Richard Grenell.

Ai ka cituar ambasadorin Grenell t’i ketë thënë: “Kosova e ka të drejtën e vetos në tavolinë, për çdo që mund të dalë në tavolinë”.

Hyseni e ka akuzuar Kurtin se heqjen e tarifës nuk e ka përdorë si instrument për nxjerrjen e koncesioneve me Serbinë.

Ai ka akuzuar se Kurti ka hequr taksën pa asnjë dakordim me partnerët e koalicionit dhe pa asnjë negociatë me SHBA-të. /Reporteri.net/.