Komisioni Qendror i Zgjedhjeve do të funksionalizohet këto dy ditë me anëtarë të rinj.

Aq sa mund të jetë lajm i gëzueshëm për partitë politike, është një person që me gjasë e ka pritur me shumë gëzim këtë zhvillim, shkruan Reporteri.net.

Rafet Rama që nga shtatori i vitit të kaluar është në pritje për t’u ulur në kolltukun e Kuvendit.

Nezir Çoçaj ka gjashtë muaj që ka dhënë dorëheqje nga funksioni i deputetit të Kuvendit të Kosovës nga radhët e PDK-së. Prej asaj kohe, të shtatorit të 2018-s, në pritje për t’u bërë deputet ishte Rafet Rama i PDK-së, por ai nuk kishte mundur të ulet në kolltukun e Kuvendit për shkak të mosfunksionalizimit të KQZ-së i cili duhet ta certifikojë dhe t’ia japë mandatin.

Për këtë duhet të gëzohen edhe partitë e koalicionit, pasi deri tash kanë pasur një votë më pak në përbërjen e tyre.

Njëjtë si Rama po presin edhe dhjetëra asamblistë lokalë. Për bllokim të KQZ-së partitë opozitare po e akuzojnë presidentin Thaçi. /Reporteri.net/.