Sot reshje të dobëta bore, nga e enjtja kthehet acari

Instituti Hidrometeorologjik i Kosovës bën të ditur se të martën vende-vende ka mundësi të ketë reshje të dobëta bore.

IHK njofton se reshje të intensitetit mesatar deri të lartë priten nga dita e enjte. Pas reshjeve do të ketë rënie të ndjeshme në vlerat e temperaturave minimale, por edhe maksimalet do të jenë tipike dimërore.

Temperaturat minimale do të lëvizin ndërmjet -7 deri -2 gradë Celsius, ndërsa maksimalet e ditës parashihen të lëvizin ndërmjet 2-6 gradë Celsius.

Do të fryjë erë kryesisht nga verilindja me shpejtësi 1-7 m/s.