Komisioni Qendror i Zgjedhjeve (KQZ) për sot ka paralajmëruar shpalljen e rezultateve përfundimtare për zgjedhjet parlamentare 2021 të cilat janë mbajtur më 14 shkurt.
KQZ tashmë ka përfunduar numërimin e votave të rregullta, atyre me kusht dhe personave me nevoja të veçanta, dhe po ashtu sot ka përmbyllur procesin e numërimit të votave nga diaspora.
Pas shpalljes së rezultanteve përfundimtarë të zgjedhjeve, do të fillojë të rrjedhë edhe afati ligjor prej 24 orësh, për kandidatët apo subjektet politike të cilët mund të parashtrojnë ankesat e tyre lidhur me procesin zgjedhor në tërësi apo në rezultatet nga Qendra e Numërimit dhe Rezultateve.
Subjektet politike mund të ankohen edhe në Gjykatën Kushtetuese.
Në bazë të këtyre të dhënave (rezultateve preliminare, votat me postë dhe votat e personave me nevoja të veçanta) shpërndarja e mandateve pritet të jetë si më poshtë:
LVV – 58 deputetë
PDK – 19 deputetë
LDK – 15 deputetë
AAK – 8 deputetë
Lista Serbe – 10 deputetë
KDTP – 2 deputetë
RI – 2 deputetë
IRDK – 1 deputet
Vakat – 1 deputet
PDAK – 1
UZ-AH – 1
NDS – 1
JGP- 1
NISMA, sipas rezultateve nuk ka arritur të kalojë pragun zgjedhor.