Gjykata Speciale ka vazhduar të ftojë ish-luftëtarë të UÇK-së për intervistim në Hagë, e kësaj here në radhë ishte komandanti Samidin Xhezairi nga Prizreni.

I njohuri me njofkën “Komandant Hoxha” u ftua dje nga Specialja, dhe do të paraqitet me 4 dhjetor në Hagë, shkruan Reporteri.net.

Lidhur me ftesën për Komandant Hoxhën kanë reaguar të afërm të tij, të cilët i kanë dalë në përkrahje.

“Dëshmoj se ke qenë komandant i UÇk-së i merituar, siç e ke dëshmuar gjithëmonë. Luan i Shqiptarisë”, ka shkruar Fatlum Krasniqi.

“Komandant i cili duhet të marrim shembull nga ty, #MeTyKomandantHoxha… S’ka gjykatë që mund t’i humb meritat e tua”, ka thënë Mon Berisha.

Sidoqoftë, sot u raportua nga mediat se “gjahu” i Speciales do të vazhdojë akoma, dhe aktakuzat e para pritet të ngriten muajin e ardhshëm./Reporteri.net