Ministri i Punëve të Brendshme Xhelal Sveçla, sot në një konferencë të përbashkët për media me drejtorin e Policisë së Kosovës ka bërë të ditur se aksioni po vazhdon në veri.
Ministri ka shprehur dyshime se ka më shumë të vrarë se sa dihen zyrtarisht, duke thënë se edhe vet presidenti serb, Aleksandër Vuçiq, ka thënë se janë katër të vrarë.
“Aksioni po vazhdon, në momentin kur do të gjenden trupat tjerë, apo në momentin kur do të kemi dëshmi patjetër që do të njoftojmë. Edhe vet presidenti i Serbisë Aleksandar Vuçiq ka folur për katër të vrarë. Informatat nga inteligjenca flasin për më shumë, por çdo moment që kemi dëshmi, do t’i publikojmë”, ka deklaruar Sveçla.
Tutje kreu i MPB-së tha se mbi 90 persona morën pjesë në sulmin kundër Policisë së Kosovës.
“Serbia u mundua vazhdimisht të thotë se nuk ka të bëjë asgjë më këtë sulm, por faktet që do të publikohen dëshmojnë që përgatitjet, trajnimet dhe ushtrimet e këtij grupi u kryen në bazën e trajnimeve ushtarake afër Jagodinës si dhe në Kopaunik. Këto pamje u siguruan nga dronët e grupit terrorist të cilit i kemi konfiskuar”, tha Sveçla.
Kujtojmë deri më tani në janë ekzaminuar trupat e tre terroristëve që ishin vrarë gjatë sulmit ndaj policisë së Kosovës ku mbeti i vdekur edhe rreshteri Afrim Bunjaku. /Reporteri.net/.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.