Ministri i Punëve të Brendshme, Xhelal Sveçla sot në konferencë për media ka folur për vilën e Milan Radojiçiqit buzë liqenit të Ujmanit, ku ka treguar se çfarë do të bëhet me të.

AAi ka bërë të ditur se vila është e ndërtuar në tokën e Agjencisë Pyjore të Kosovës, dhe se “bypass” i tunelit është i uzurpuar nga ky kompleks i Radojiçiqit.

Sveçla ka treguar se është në bisedime me ministrin e Bujqësisë, Faton Peci, që kjo pronë t’i kalohet Ministrisë së Punëve të Brendshme “e pastaj të shfrytëzohet nga Policia e Kosovës për stacion për njësitin e barkave në Departamentin e Kufirit”.