Syla: Ndryshimi i ligjit të zgjedhjeve mund të jetë kusht i Listës Serbe për të votuar Vjosën presidente

Publicisti Valon Syla ka thënë se po flitet se kërkesa e Lëvizjes Vetëvendosje për ndryshimin e Ligjit të Zgjedhjeve mund të jetë kërkesë e Listës Serbe, si kusht për të qëndruar në sallë ditën kur Vjosa të votohet për Presidente të Kosovës.


Gjatë ditës së sotme është thirrë seancë e jashtëzakonshme për të ndryshuar Ligjin e Zgjedhjeve.

Mirëpo, publicist Syla ka me anë të një postimi në Facebook, ka thënë se kërkesa e LVV’së për të ndryshuar këtë ligj mund të jetë kërkesa e vetme e Listës Serbe e koordinuar me Beogradin për të qëndruan në seancë gjatë votimit të Vjosës për presidente.

“Pretendimet e Serbisë janë që jashtë Kosovës jetojnë mbi 350 mijë serbë të zhvendosur (diaspora serbe). Deri më tash, ata nuk kanë pasur të drejtë vote, por me ligjin e ri u krijohet edhe atyre mekanizmi shtetëror dhe legjitimohen edhe 350 mije votues serbë për zgjedhje. Sipas kësaj logjike, Lista Serbe me këtë mundësi i fiton 20 ulëse në Kuvendin e Kosovës. Plus edhe në Serbi munden me votu në Zyrën Ndërlidhëse të Kosovës në Beograd. Po flitet që është kush i Listes Serbe për me qëndru brenda seancës për presidentin.”, ka shkruar Syla.

Ndryshe, LDK’ja e ka konsideruar si shantazh dhe nismë jo qëllim mirë e VV’së për ta ndryshuar këtë ligj.