Ministri në largim i Drejtësisë, Abelard Tahiri, ka folur për një rast të vitit të kaluar, ku ai ishte lajmëruar nga AKI-ja se disa persona dëshirojnë ta vrasin atë dhe një person tjetër.
Tahiri ka thënë se ishte lajmëruar nga AKI-ja për një person se planifikojnë sulm ndaj tij. Tahiri ka thënë se përveç tij ishte cak edhe një person tjetër.
“Jam kontaktuar nga AKI ku jam paralajmëruar dhe ka qenë edhe një person tjetër për një sulm të mundshëm ku ishin persona të njohur për AKI-në të cilët qëndrojnë në Kosovë.
Këto informata i posedonte AKI-ja dhe jo nga Prokuroria Ka qenë paralajmërim mjaftë serioz për tre muaj rresh dhe prej asaj kohe kam qenë në përcjellje të Policisë së Kosovës”, ka deklaruar Tahiri në RTV Dukagjini.
Tahiri ka thënë se në atë periudhë ishin kryer shumë ekstradime, por që rreziku nuk lidhej për shkak të rastit “Dehari”.
“Gjatë kësaj periudhe janë realizuar 177 ekstradime për çka nuk janë realizuar që nga liria jonë. Janë ekstraduar persona narko-trafikant, banda apo grupe të ndryshme. 40 % të personave kanë pasur shtetësi të dyfishtë.
Për çka saktësisht nuk do të tregoj, por nuk ka të bëjë më rastin “Dehari”. Janë shtetas i huaj dhe më janë thënë shtetas së Shqipërisë dhe ka qenë shqetësim i madh për mua”, ka deklaruar Tahiri.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.