Gjatë vizitës një ditore në Kosovë, kryeministri i Shqipërisë, Edi Rama ka takuar kryetarin e LDK-së, Lumir Abdixhikun.

Përmes një postimi të bërë në Facebook, Abdixhiku ka treguar se kanë diskutuar relacionet e dy vendeve, Kosovë-Shqipëri, si dhe situatën e krijuar në veri, transmeton Reporteri.net.

Tutje, kreu i LDK-së ka bërë të ditur se ka marrë ftesë zyrtare nga kryeministri Rama për të vizituar Shqipërinë.

Postimi i plotë:

Sot, me bashkëpunëtorë, në selinë e LDK-së, prita në takim Kryeministrin e Shqipërisë Edi Rama.

Diskutuam mbi relacionet e dy vendeve; situatën e krijuar në Veri; si dhe të ardhmen e përbashkët në familjen euro-atlantike.

Kryeministrin Rama e falenderova për përkrhajen që po i jep Kosovës në proceset e rëndësishme. Po ashtu, nga ai, mora ftesë për një vizitë zyrtare në Shqipëri, të cilën do ta realizojë së shpejti.

Raportet ndërshqiptare, janë bazamenti i suksesit tonë. Për këtë, unë dhe LDK jemi të përkushtuar pa hezitim.