Albanian
English
German
Serbian
Turkish
Macedonian
Croatian
Ndërmjetësuesi special i Bashkimit Evropian për dialogun Kosovë-Serbi, Miroslav Lajçak, është takuar me kryeministrin e Kosovës, Albin Kurti, në kuadër të takimit jo-formal që po mbahet në Bruksel.
Lajmin e ka bërë të ditur vetë Lajçak nëpërmjet një postimi në llogarinë e tij zyrtare në ‘Twitter’.
“Përbrenda margjinave të eventit jo-formal të Ballkanit Perëndimor, më erdhi mirë që takova kryeministrin e Kosovës, Albin Kurtin, me të cilin bisedova për hapat e ardhshëm të dialogut [Kosovë-Serbi]”, thuhet në njoftim.
Lajçak gjatë ditës së djeshme takoi edhe presidentin serb, Aleksandar Vuçiq, për të cilin ky i fundit tha se pati një “bisedë të këndshme”.
“Ne duam të kemi paqe dhe stabilitet. Serbia është gati ta vazhdojë dialogun. Bisedë e këndshme sonte me Miroslav Lajçak”, shkroi i pari i Serbisë në ‘Twitter’.
