Koalicioni AAK-PSD në këto momente po mban tubim elektoral në Prishtinë.

Në këtë tubim po marrin pjesë një numër i madh i përkrahësve të AAK-së, mirëpo ajo që bie në sy është se të gjithë pjesëmarrësit mbajnë plisa në kokë, duke mos përjashtuar këtu as kandidatët për deputetë nga radhët e këtij koalicioni, shkruan Reporteri.net.

Para elektoratit ka folur kryetari i Prishtinës, Shpend Ahmeti i cili ka thënë se tashmë nuk ka dyshim se koalicioni AAK-PSD do të jetë fitues i zgjedhjeve të 6 tetorit.

Të pranishmëve pritet t’u drejtohet edhe kandidati për kryeministër nga ky koalicion, Ramush Haradinaj.  /Reporteri.net