Tërmkolli: Sali Berisha mbetet një nga burrat më të mëdhenj të kombit shqiptar

Ish ministrja nga radhët e LDK-së, Melihate Tërmkolli ka reaguar pasi SHBA e shpalli person “non grata” ish-kryeministrin e Shqipërisë Sali Berisha.


Tërmkolli thotë se Sali Berisha mbetet në krye të listës si një nga burrat më të mëdhenj të Shqipërisë.

Ajo ka vlerësuar lartë figurën e Sali Berishës në aspektin e kontributeve politike dhe kombëtare.

“Sali Berisha mund të futet e të heqet nga lista e në lista të ndryshme. Sigurisht, në ecjen e tij politike e kombëtare, ka e mund të ketë edhe gabimet e tij të vogla a të mëdha. Sali Berisha mbetet në krye të listës si një nga burrat më të mëdhenj të Shqipërisë dhe kombit shqiptar në përgjithësi, ashtu siç SHBA është dhe mbetet miku më i madh i shqiptarëve”, ka shkruar Tërmkolli në Facebook.

Ish kryeministrit të Shqipërisë, Sali Berisha dhe familjes së tij i është ndaluar hyrja në Shtetet e Bashkuara të Amerikës.

Këtë e bëri të ditur sekretari amerikan i shtetit, Antony Blinken në një postim në Twitter.