Presidenti i vendit, Hashim Thaçi, sot pasdite pritet t’i ftojë në takim të përbashkët të gjithë liderët e partive parlamentare për konsultimin e fundit rreth vullnetit të tyre politik për Qeveri të re apo zgjedhje të reja.

Sipas burimeve brenda Zyrës së Presidentit mësohet se tashmë janë duke u ftuar liderët e partive parlamentare për një takim të përbashkët përfundimtar me presidentin Thaçi.

Ky takim pritet të ndodhë pas orës 16:00.

Presidenca nuk ka dashur të flasë, duke thënë se do të njoftojë zyrtarisht.

Kujtojmë se Thaçi sot i shkruajti sërish letër Kurtit, ku i tha se nuk e shfrytëzoi të drejtën për formimin e Qeverisë së re. /Reporteri.net/.