Presidenti i Kosovës, Hashim Thaçi ka kritikuar sërish BE, e kësaj radhe lidhur me dialogun e bllokuar mes Kosovës e Serbisë dhe emërimin e mundshëm të diplomatit sllovak, Miroslav Lajçak, si emisar special në negociatat Kosovë-Serbi

Thaçi ka thënë se Bashkimi Evropian duhet t’i japë peshë politike përfshirjes së vet në dialogun Kosovë-Serbi, por jo duke ulur nivelin dhe përgjegjësinë në një emisar pa kredibilitet nuk i ndihmon këtij qëllimi, shkruan Reporteri.net.

“Bashkimi Evropian duhet t’i japë peshë politike përfshirjes së vet në dialogun Kosovë-Serbi. Duke ulur nivelin dhe përgjegjësinë në një emisar pa kredibilitet nuk i ndihmon këtij qëllimi. BE’ja duhet t’i përkrahë të gjitha përpjekjet që çojnë kah arritja e marrëveshjes historike dhe të punojë me partnerë që japin rezultate”, ka shkruar Thaçi në Twitter.