Opinionisti Jusuf Thaçi ka thënë se ka dy orë që më shumë se 200 qytetarë janë duke pritur për të votuar në Qendrën e Votimi në Fakultetin e Inxhinierisë Elektrike dhe Kompjuterike, meqë në këtë vendvotim ka mungesë të fletëvotimeve.

“Në Qendrën e Votimit në FIEK në Prishtinë jemi mbi 200 veta duke pritur rreth 2 orë për të votuar. Qe më shumë se gjysmë ore janë harxhuar fletë-votimet dhe ende nuk janë sjellur në qendër të votimit. Radha dhe koha e pritjes po zgjatet edhe më shumë. Fatkeqësisht, shumë njerëz edhe po kthehen pa votuar për shkak të kësaj”, ka shkruar ai në Facebook.

Ai ka thënë se kjo është një papërgjegjësi nga ana e KQZ-së.

“Në rastin më të mirë kjo është papërgjegjësi e jashtëzakonshme e KQZ-së, në rastin më të keq kjo është sabotim i zgjedhjeve nga KQZ dhe mohim i të drejtës së qytetarëve për të votuar, duke ua vështirësuar apo pamundësuar votimin”, ka shkruar ai.