Thaçi kërkon veprim të menjëhershëm të organeve të rendit për të mbrojtur çdo njeri në Kosovë

Pas sulmit të dytë ndaj gruas rome ka reagur edhe Presidneti i vendit, Hashim Thaçi, ai përmes një postimi në Facebook ka thënë që është e papranueshme dhe e dënueshme dhuna kundër cilitdo në Kosovë, shkruan Reporteri.net


Tutje Thaçi ka thënë se sulmin kundër një qenie nuk e arsyeton as përkatësia ndonjërit komunitet e aq më pak raportimet e paverifikuara në mediat sociale apo në ndonjë portal.
Ai ka kërkuar veprim të menjëhershëm të organeve t[ rendit për ta mbrojtur çdo njeri në Kosovë.

Postimi i tij i plotë:

Është krejtësisht e papranueshme dhe shumë e dënueshme dhuna kundër cilitdo në Kosovë. Sulmin kundër një qenie nuk e arsyeton as përkatësia ndonjërit komunitet e aq më pak raportimet e paverifikuara në mediat sociale apo në ndonjë portal. Ftoj për sjellje të përgjegjshme e qytetare të çdo kosovari, për raportim të përgjegjshëm të mediave dhe për veprim të menjëhershëm e të rreptë të organeve të rendit për të mbrojtur çdo njeri në Kosovë. Në Kosovën tonë nuk do të ketë vend për dhunë.