Ministrja e Drejtësisë, Albulena Haxhiu, ka deklaruar se është aprovuar themelimi i grupit të ekspertëve për procesin e vetingut në sistemin e drejtësisë .

Haxhiu përmes Facebook ka deklaruar se me procesin e vetingut, do të ketë sistem të drejtësisë kredibil, të besueshëm dhe të pavarur.

“Ky proces do t’ja kthejë paanshmërinë e barazinë drejtësisë e drejtësinë qytetarëve. Grupit të ekspertëve i uroj suksese dhe punë të mbarë”, ka shkruar ajo.

Njoftimi i plotë: 

Sot, në mbledhjen e Qeverisë u aprovua propozimi i Minstrisë së Drejtësisë për themelimin e grupit të ekspertëve për draftimin e skenarëve për procesin e vetingut në sistemin e drejtësisë.

Ashtu siç kemi kërkuar dhe siç jemi zotuar para qytetarëve në zgjedhjet e 6 tetorit së shpejti do të fillojmë me procesin e vetingut nga i cili proces do të dalim me sistem të drejtësisë kredibil, të besueshëm e të pavarur ashtu siç duhet ta ketë Republika jonë.
Ky proces do t’ja kthejë paanshmërinë e barazinë drejtësisë e drejtësinë qytetarëve.

Grupit të ekspertëve i uroj suksese dhe punë të mbarë