Tjetër aksident me fatalitet, 1 i vdekur e 3 të lënduar në Gllarevë

Në orët e vona të mbrëmjes së kaluar në rrugën Prishtinë-Pejë, saktësisht në fshatin Gllarevë ka ndodhur një aksident me fatalitet.


“Në këtë aksident ishin të përfshira një automjet i markës Opel me targa vendore i drejtuar nga i dyshimti dhe një motokultivator i drejtuar nga viktima, ku si pasojë e aksidentit një person ka ndërruar jetë në vend të ngjarjes sipas ekipit mjekësor, i cili ka konfirmuar vdekjen e viktimës. Ndërsa tre persona janë lënduar dhe ata pas trajtimit mjekësor janë liruar për në shtëpi”, thuhet në njoftimin e policisë.

Ndërkaq, bëhet e ditur se në vendngjarje kanë dalë njësitet relevante të Policisë së Kosovës dhe prokurori i shtetit.

“Hetuesit rajonalë për hetimin e aksidenteve janë duke u marrë me rastin në koordinim të plotë me prokurorin e shtetit dhe me urdhër të tyre i dyshuari dërgohet në mbajtje, ndërsa trupi i pajetë i viktimës dërgohet në murgun e spitalit rajonal në Pejë”, thotë policia.

Kujtojmë se një 27 vjeçar mbeti i vdekur si pasojë e një aksidenti që ndodhi dje në Prishtinë. /Reporteri.net/.