Gjykata Themelore e Ferizajt ia ka vazhduar paraburgimin edhe për dy muaj Dardan Krivaqës dhe Arbër Sejdiut, të cilët dyshohen për vrasjen e 18-vjeçares Marigona Osmanit.

Këtë e ka konfirmuar për Gazetën Online Reporteri.net, zëdhënësja e Gjykatës Themelore të Ferizajt, Albënora Bekteshi.

“Po u është vazhdu”, tha ajo për Reporteri.net.

Kujtojmë se më 22 gusht të këtij viti u la pa shenja jete 18-vjeçarja në Qendrën e Emergjencës në Ferizaj, Marigona Osmani, nga dy të dyshuarit që tanimë janë në paraburgim, Dardan Krivaqa dhe Arbër Sejdiu. /Reporteri.net/