Prania e manganit në liqenin e Badocit, është ende e lartë, rrjedhimisht uji s`mund të përdoret për pije dhe zierje.

Qytetarët po furnizohen me ujë në mënyra të ndryshme. Furnizimi po bëhet edhe përmes autoboteve të siguruara nga Ujësjellësi i Prishtinës.

Zëdhënësja e Ujësjellësit Rajonal “Prishtina”, Arieta Mjeku, ka thënë për RTK-në, se, sikur në ujin e patrajtuar ashtu edhe në atë të trajtuar vazhdon të jetë e lartë sasia e manganit.

Mjeku, thotë se 0.08 mg për litër është sasia e manganit në sasinë e ujit të patrajtuar, ndërsa tek uji i trajtuar, 0.03 mg për litër.