Shtetet e Bashkuara të Amerikës nëpërmjet Komandës ushtarake, i kanë dhuruar Skanerin e tomografisë kompjuterike (CT) Spitalit të Përgjithshëm të Gjakovës.

Këtë lajm e ka bërë të ditur ministri i Shëndetësisë, Armend Zemaj përmes një statusi në Facebook.

Ky është postimi i tij i plotë:

Shtetet e Bashkuara të Amerikës nëpërmjet Komandës ushtarake, ka dhuruar Skanerin e tomografisë kompjuterike (CT) për Spitalin e Përgjithshëm të Gjakovës.

Bashkë me Kolonelin Stephen A. Rose dhe Majorin Tomothy Halbur, morëm pjesë në pranim-dorëzimin e këtij donacioni.

ShBA-ja përmes misioneve të saja civile dhe ushtarake, ka ndihmuar Kosovën në kohë pandemie me respiratorë, pajisje termo-skanerë, pajisje mbrojtëse profesionale për personelin shëndetësor po edhe ndihma të tjera.Kosova është e bekuar me miqësinë e Amerikës!Ju faleminderit, Kolonel Rose!Ju faleminderit, Major Halbur!