Këtë të shtunë është varrosur viktima e cila dyshohet se u vra dje nga djali i saj në Pejë.

E ndjera u varros sot në varrezat e qytetit të Pejës, ku morën pjesë një numër i madh i qytetarëve.

Ndërsa, sot Gjykata Themelore në Pejë të dyshuarit për vrasjen e nënës ia ka caktuar masën e paraburgimit prej një muaji.

Gjykata Themelore në Pejë ka njoftuar se vendimi për paraburgim u caktua pas konstatimit se kërkesa e prokurorit është e bazuar dhe duke pas parasysh se i pandehuri po hetohet për vepër të rëndë penale, për të cilën Kodi Penal parasheh dënim me burgim jo më pak se 10 vjet burgim ose me burgim të përjetshëm.

Në njoftim, Themelorja ka thënë se i pandehuri posedon leje qëndrimi jashtë shtetit dhe se është vlerësuar se ka rrezik të lartë që nëse ai gjendet i lirë apo në masa tjera, mund të arratiset.

Vrasja e rëndë në Pejë, një muaj paraburgim për të dyshuarin