Një grua ka ndërruar jetë dje në QKUK pasi nuk mundi t’i përballonte lëndimet që kishte marrë nga aksidentit që i ndodhi më 17 qershor në Vushtrri.

Kjo u bë e ditur në raportin 24 orësh të Policisë së Kosovës.

Sipas Policisë trupi i pajetë është dërguar për obduksion me vendim të prokurorit.

“Lidhur me rastin me 21.06.2019, në QKUK ka ndërruar jetë viktima femër K-Shqiptare e aksidentuar me 17.06.2019. Me vendim të prokurorit trupi i pajetë i viktimës dërgohet në IML për obduksion”, thuhet në raportin e Policisë.

Në aksidentin e 17 qershorit të përfshira ka qenë personi në fjalë dhe një veturë me targa vendore.