Komuna e Prishtinës ka vendosur që shtatorja e Anton Çettës të vendoset pranë fakultetit të Filologjisë në Prishtinë, vendimi është marrë në nëntor të vitit të kaluar.

Kryesuesi i Kuvendit Komunal të Prishtinës, Agim Kuleta, ka thënë se kjo shtatore do të vendoset në oborrin e Fakultetit të Filologjisë, aty ku edhe është vendosur në vendimin e 12 nëntorit të viti që sapo lamë pas.

“Çështja e lokacionit për vendosjen e shtatores së Anton Çettës është e zgjidhur me vendimin e KK të Prishtinës (12.11.2020). Në një vend shumë dinjitoz, i përcaktuar në bashkëpunim edhe me familjen e tij”, ka shkruar kryesuesi i Kuvendit Komunal të Prishtinës, Agim Kuleta, në Facebook.