Kryetari i PDK-së, Kadri Veseli, ka kritikuar Qeverinë e Kosovës për tërheqjen e investimeve amerikane, duke përmendur rastin e djeshëm të Countur Global dhe Korporatës Sfidat e Mijëvjeçarit (Millenium Challenge Corporation – MCC).
Pasi foli për masat që Qeveria duhet të marrë për të luftuar coronavirusin, Veseli shtoi se qasja e Qeverisë po e dëmton dhe rrezikon Kosovën po aq sa ky virus, shkruan Reporteri.net.
“Është edhe një situatë tjetër që kërkon vëmendjen tonë si shoqëri dhe si shtet, largimi i investitorëve amerikanë nga Republika e Kosovës, ndalja e programeve investuese në Republikën e Kosovës. Protagonizmi i anti-amerikanizmit të kësaj qeverie është vërtetë duke e dëmtuar dhe rrezikuar Kosovën po aq sa coronavirusi”, ka thënë Veseli.
Ndërkaq, kreu i opozitës theksoi se Qeveria duhet të krijojë programe konkrete për të ndihmuar bizneset që kanë stagnuar nga situate, për të shpëtuar kështu vendet e punës.
Ndër të tjera, kryeopozitari mbështeti dekretin e presidentit Thaci për shpalljen e Gjendjes së Jashtëzakonshme, gjë që po e kundërshton opozita./Reporteri.net