Shtetet e Bashkuara të Amerikës sot festojnë ditën e Pavarësisë së tyre.

Me ketë rast populli amerikan ka marrë një urim edhe nga kryeparlamentari Kadri Veseli.

“4 korriku është një datë e madhe, jo vetëm për Shtetet e Bashkuara të Amerikës, por edhe për popullin tonë dhe të gjithë popujt e botës që besojnë në të drejtat dhe lirinë njerëzore. SHBA-të kanë qenë dhe vazhdojnë të jenë garantues të vlerave demokratike dhe paqes globale”, ka shkruar Veseli në profilin e tij në Facebook.

“Kosova është e bekuar që në krah të saj ka kombin e madh amerikan. Festa e sotme është e dyfishtë, sepse përurojmë edhe objektin e ri të Ambasadës së SHBA-ve në Prishtinë”.

“Urime të gjithëve, popullit amerikan dhe përfaqësuesve të tij në vendin tonë”.