Një fëmijë 5-vvjeçar ka humbur jetën si pasojë e një aksidenti tragjik në komunikacion në fshatin Lubizhdë të Hasit.

Rastin e ka konfirmuar zëdhënësi i Policisë së Kosovës për rajonin e Prizrenit, Shaban Osmanollaj, shkruan Reporteri.net.

Osmanollaj ka bërë të ditur se me vendim të prokurorit, shoferi i veturës është dërguar në mbajtje për 48 orë.

“Gjatë ditës së sotme ka ndodhur një aksident trafiku me fatalitet në Lubizhdë-Has. Një veturë ka goditur për vdekje një fëmijë pesë vjeç. Me vendim të prokurorit shoferi i veturës është dërguar në mbajtje për 48 orë”, ka thënë Osmanollaj.