Veturat e ambasadave, amerikane, britanike dhe gjermane sot janë parë në oborrin e Qeverisë së Kosovës.

Gazeta Online Reporteri.net ka kontaktuar zëdhënësin e Qeverisë, Përparim Kryeziun, nëse ambasadorët përkatës janë pritur në takim nga Kryeministri i Kosovës, Albin Kurti, por që i njëjti deri tani nuk ka kthyer përgjigje.

Ndërsa, gjatë kësaj jave, në Prishtinë do të jetë për vizitë i dërguari i posaçëm i Shteteve të Bashkuara për Ballkanin Perëndimor, Gabriel Escobar.

Emisari amerikan do të diskutojë me liderët e qeverisë për dialogun si dhe çështjen e dinarit. /Reporteri.net/