Policia e Pejës ka njoftuar se gjatë ditës së djeshme ka arritur ta arrestoj një person i cili dyshohet të ketë kryer veprën “vjedhje e rëndë”, në depon “DENJIZI”, duke vjedhur kështu një sasi malli në vlerë prej pesëdhejtë e pesë mijë euro (55000).

Njoftimi i plotë:

Në Stacionin Policor Pejë, me datë 21.09. 2020 , është paraqitur një rast “vjedhje e rendë” nga viktima e cila deklaron se në depon e tij “DENJIZI” në Pejë, i është vjedhur një sasi e mallit në vlerë prej Pesëdhjetë e pesë mijë (5.5000) Euro. Viktima kishte vërejtur se para një muaji po i mungonte material nga depoja.

Pas një pune intensive nga hetuesit rajonale është identifikuar dhe arrestuar i dyshuari M. S. B. lindur 1992.

Me vendim të Prokurorit Shtetit, të njëjtit i është caktuar masa e ndalimit policor prej 48 orëve.