Vidhet e shitet për hekur vetura që ishte stërvjetruar në parking

Një veturë qëndroi e parkuar për rreth 4 vjet prapa Qendrës së Mjekësisë Familjare në Mitrovicë.

Dy ditë me parë e njëjta dyshohet të jetë vjedhur nga dy persona.

Nipi i pronarit të veturës, Vullnet Sokoli, tha se vetura pasi është vjedhur është dërguar në një outpad dhe është shkatërruar.

Policia njoftoi se në lidhje me këtë rast dy persona janë shoqëruar në stacion dhe pas intervistimit janë liruar në procedurë të rregullt.