Vjosa Osmani: Gëzuar Pashkët, kjo ditë shënon triumfin e të mirës ndaj të keqes

Kandidatja për Presidente të Kosovës, me rastin e festes së Pashkëve Katolike, ka uruar të gjithë besimtarët katolikë.


Ajo ka thënë se kjo festë na jep mundësinë secilit t`ia zgjatim dorën, ta urojmë e ta përqafojmë.

Postimi i plotë i Osmanit:

Sot, besimtarët katolikë festojnë Pashkët. Kjo ditë shënon triumfin e të mirës ndaj të keqes. Bota, sikurse edhe ne, po përballet me pandeminë Covid-19. Të goditur nga kjo e keqe edhe kremtet janë transformuar.

Në këtë ditë feste kam veç një urim. Që në një të ardhme të afërt, secilën festë ta presim bashkë, që ta kemi mundësinë secilit t`ia zgjatim dorën, ta urojmë e ta përqafojmë!

Festa e Pashkëve shpërfaqë dashurinë, tolerancën dhe zemërgjerësinë, të cilat populli ynë i kultivon në vazhdimësi. Le të na sjellin Pashkët mirësi e begati për mbarë kombin shqiptar!