Në Qendrën e Numërimit dhe Rezultateve ka përfunduar numërimi i votave me kusht dhe votave të personave me nevoja të veçanta, të cilat u takojnë raundit të dytë të Zgjedhjeve për Kryetarë të 21 Komunave, që u mbajt më 14 nëntor.

Nga numërimi në komunën e Prizrenit që u fitua nga Shaqir Totaj i PDK-së, del se kundërkandidati i tij nga Vetëvendosje, Mytaher Haskuka ka marrë më shumë vota nga këto dy kategori, shkruan Gazeta Online Reporteri.net.

Haskuka ka marrë 670 vota, kurse Totaj ka marrë 619 vota.

Totaj i PDK-së të dielën më 14 nëntor mori 27 mijë e 17 vota kurse Haskuka ka marrë 25 mijë e 942 vota. /Reporteri.net/