Kandidati për kryeministër nga radhët e Lidhjes Demokratike të Kosovës, Avdullah Hoti, ka votuar sot në Fakultetin e Filologjisë në Prishtinë.

Ai është parë i shoqëruar nga bashkëshortja e tij, shkruan Reporteri.net.

Para medieve ai ka bërë thirrje tek qytetarët që të dalin dhe ta shfrytëzojnë të drejtën e tyre për të votuar.

“Ftoj të gjithë qytetarët që sot ta shfrytëzojnë të drejtën e tyre për të votuar. Është dita e tyre sot dhe ata e thonë fjalën e tyre.”, ka thënë Hoti.

Po ashtu kryeministri në detyrë ka falënderuar gjithë stafin e angazhuar për mbarëvajtjen e procesit zgjedhor.

/Reporteri.net.