Një ngjarje tragjike ka ndodhur sonte në lagjen ‘Aktash’ të Prishtinës, ku një person ka vdekur si pasojë e plagëve që ka marrë nga të shtënat me armë zjarri dhe pesë persona të tjerë janë plagosur.

Prokuroria e Prishtinës ka konfirmuar për Kallxo.com vdekjen e personit nga incidenti. Viktima është i familjes Gashi të njohur si Capat.

Kurse plagosjen e pesë personave e ka konfirmuar mjeku kujdestar në QKUK, Avdush Bajgora për Tëvë.

Të përfshirë në këtë konflikt janë familjet Sekiraqa dhe Capat.

Gazeta Online Reporteri.net merr vesh se në mesin e të plagosurve është e Salih Sekiraqa, i njohur për autroitetet e sigurisë në vend për disa vepra penale.

Familjet Sekiraqa dhe Capat ishin të përfshirë në një incident më herët, ku ishte plagosur një person nga familja Capat disa muaj më parë.

Gazeta Online Reporteri.net ka pyetur Policinë e Kosovës për rajonin e Prishtinës për këtë rast, por deri në publikimin e këtij shkrimi nuk janë përgjigjur.