Vëllai i Astrit Ademajt që mbeti i plagosur nga ngjarja tragjike mbrëmë, është ndaluar për 48 orë.

Lajmin për Gazetën Online “Reporteri.net” e ka konfirmuar zëdhënësi i prokurorisë së Pejës, Shkodran Nikçi, derisa i njëjti ka thënë se i plagosuri është ndaluar për 48 orë.

“Personi në fjalë është ndaluar për 48 orë dhe ndaj tij është bërë kërkesë për caktimin e masës së paraburgimit”, tha Nikçi.

Në vrasjen e mbrëmshme në Pejë mbeti i vrarë kandidati i PDK-së për kryetar të kësaj komune, Astrit Ademaj, si dhe ish-kandidati i PDK-së për kryetar të Deçanit, Blerand Kadrijaj.

Ndryshe, mjeku kujdestar që pranoi viktimat në spitalin e Pejës, tregoi se ata ishin sjellur aty nga i plagosuri A.Ademaj, por pa shenja jete./Reporteri.net/