I dërguari special i presidentit amerikan për dialogun midis Beogradit dhe Prishtinës, Richard Grenell, mbrëmë qëndroi për darkë në Beograd.

Gjegjësisht, Grenell mbrëmë ishte në darkë me Presidentin e Serbisë, Aleksandar Vuçiq, dhe anëtarët e delegacioneve serbe dhe amerikane.

Për darkën në Begrad shkroi vetë Grenell në Twitter duke thënë se ishte një natë e mrekullueshme, shkruan Reporteri.

“Nderin” e gostisë, Grenell, Vuçiqit ia ktheu me një dhuratë, që në dukje në fotografinë e postuar nga Vuçiq duket të jetë një libër.

“Faleminderit Richard Grenell, për përkushtimin dhe punën e mirë për regjionin. Dhe faleminderit për dhuratën e mrekullueshme”, ka shkruar Vuçiq.

Хвала @RichardGrenell на посвећености и добром послу који обавља за цео регион. И хвала на дивном поклону! pic.twitter.com/UDEiopHHfb

— Александар Вучић (@predsednikrs) September 22, 2020

Libri që Grenell ia ka dhuruar Vuçiqit ka të bëj me dekorimin e Shtëpisë së Bardhë dhe enterierin e saj ndër vite.

Ky libër bën fjalë për stilet e veçanta të familjeve presidenciale që kanë qëndruar ndër vite në Shtëpinë e Bardhë.