Presidenti i Serbisë, Aleksandar Vuçiq i ka dërguar letër bartësit të Listës së koalicionit “Alternativa Demokratike-Lugina e Bashkuar” Shaip Kamberit për konsultime rreth mandatarit të ri për formimin e Qeverisë së re të Serbisë e dalur nga zgjedhjet parlamentare të 21 qershorit, raporton rtvpresheva.com
Konsultimi me subjektet politike që kanë fituar mandate në parlamentin republikan është kategori kushtetuese andaj presidentët e Serbisë pas çdo zgjedhje ftojnë për konsultime përfaqsuesit e Listave fituese.
Fillimisht një takim me drejtuesin e SDA të Sanxhakut, Sulejman Ugljanin, është caktuar për të martën në 9 të mëngjesit, dhe menjëherë pas kësaj, në orën 10 të mëngjesit, presidenti do të takohet me përfaqësuesit e Alternativës Demokratike Shqiptare.
Një takim me kreun e Partisë Drejtësi dhe Pajtim, Muamer Zukorlic, është caktuar për ditën e Mërkurë, dhe më pas në të njëjtën ditë me drejtuesin e përfaqsuesit të partive hungareze, Istvan Pastor.
Mbetet të shihet se a do të ftohen deputetët shqiptar për herë të parë të jenë pjesë e shumicës qeverisëse apo siç ndodh zakonisht shqiptarët përsëri do të lihen në opozitë.
Kujtojmë që zgjedhjet parlamentare në Serbi janë mbajtur më 21 qershor ku koalicioni i partive shqiptare siguroi tre vende në parlamentin serb.