Vuçiq: Thaçi, Haradinaj e Veseli janë njerëz të malit, jo të gjithë shqiptarët

Presidenti serb, Aleksandar Vuçiq ka komentuar deklaratën raciste të kryeministres serbe, Ana Brnabiq e cila i quajti shqiptarët ‘njerëz të malit’.


Vuçiq ka thënë se kur e ka bërë këtë deklaratë, Brnabiq nuk e ka pasur fjalën për të gjithë shqiptarët por për tre politikanët kosovarë, Hashim Thaçi, Ramush Haradinaj e Kadri Veseli, transmeton Reporteri.net.

‘Ajo nuk ka folur për tërë popullin por vetëm për ata tre. Ata të gjithë të tjerët janë akademikë, piktorë e shkrimtarë’, është shprehur Vuçiq.

Ndryshe, pas deklaratave raciste Ministria e Jashtme e Kosovës ka vendosur që përgjithmonë t’ia ndalojë hyrjen në Kosovë kryeministres serbe, Ana Brnabiq. /Reporteri.net