×
  • Lajme
  • Lajme

    Vuçiqi akuzon Kosovën për ngecjen ekonomike të Serbisë

    Reporteri
    23 Qershor 2019 | 19:44

    Presidenti i Serbisë, Aleksandar Vuçiq, shprehur keqardhjen e tij për shkak të mos mbajtjes së takimit në Paris dhe theksoi se Prishtina e kupton se palës serbe po i ngutet në progresin ekonomik dhe se mund t’i pengojë në atë mënyrë duke i shantazhuar dhe kështu të vonohet arritja e zgjidhjes.


    Për këtë arsye, sipas tij, Kosova kërkon nga Serbia njohjen dhe nuk ofron asgjë.

    Vuçiq tha se ishte i trishtuar kur dëgjoi vlerësimet e disa qarqeve amerikane se ata thonë se Prishtina zyrtare ka të drejtë për taksat, pasi Serbia ka punuar për tërheqjen e njohjeve.

    “Unë nuk do të veproj si Gjilas dhe të tjerët që nuk kanë bërë asgjë dhe kanë shikuar në qiell kur 90 vende e kanë njohur Kosovën. Ne jemi angazhuar dhe kemi ardhur deri aty që 13 shtete të tërheqin njohjet. Nuk kemi nënshkruar asgjë, as nuk kemi pranuar gojarisht që të mos e bëjnë këtë”, tha ai.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!