×
  • Lajme
  • Lajme

    Vuçiqit i pengon flamuri kombëtar, pyet ambasadorin britanik: Në cilin shtet fitoi Kurti?

    Reporteri
    16 Tetor 2019 | 12:07

    Presidenti i Serbisë, Aleksandar Vuçiq përmes një postimi në llogarinë e tij në Twitter, i ka bërë një pyetje Ambasadorit të Britanisë së Madhe në Prishtinë, Nicholas Abbott i cili u fotografua me kreun e Vetëvendosjes, Albin Kurti  pranë flamurit kombëtar, transmeton Reporteri.net.


    “Pyetje për Ambasadorin e Mbretërisë së Bashkuar në Prishtinë: Në cilat zgjedhje fituan Kurti dhe partia e tij, dhe i cilit shtet është flamuri pranë së cilit  ju, Shkëlqesia juaj, jeni fotografuar me krenari me Kurtin? Unë do të ta bëj këtë pyetje derisa të marr një përgjigje”, ka shkruar Aleksandar Vuçiq në Twitter.

    Kujtojmë se kryetari i Lëvizjes Vetëvendosje, Albin Kurti, para dy ditësh ka pritur në takim ambasadorin e Mbretërisë së Bashkuar në Kosovë, Nicholas Abbott dhe Kryesuesin e Departamentit Politik në Ambasadën Britanike, Samuel Paice.

    Në njoftimin e Lëvizjes Vetëvendosje thuhet se ambasadori Abbott e uroi Kurtin për suksesin zgjedhor. /Reporeteri.net

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!