Nuk ka mjaftuar deklarata që ministri i Brendshëm i Serbisë dha për masakrën e Reçakut. Pak ditë pasi e mohoi masakrën, Aleksandar Vulin ka hedhur akuza të tjera në drejtim të Kosovës duke e akuzuar për destabilizim të rajonit.

“Stabiliteti i rajonit pengohet në veçanti nga refuzimi i Prishtinës për t’iu përmbajtur Marrëveshjes së Brukselit dhe formimit të Asociacionit të komunave me shumicë serbe”, ka thënë Vulini, raporton Tanjug. “Para se të flitet për serbët apo stabilitetin, përfaqësuesit e Prishtinës duhet të shpjegojnë përse s’e kanë zbatuar marrëveshjen e Brukselit dhe se kur duan ta mbajnë fjalën e dhënë dhe të nënshkruar, nëse veçse e kanë një”.

Vulin me deklaratë skandaloze: Reçaku është një gënjeshtër e madhe dhe një falsifikim i tmerrshëm

Lexo edhe:

Rënie e ndjeshme e temperaturave në fundjavë

Kreu i Odës së Mjekëve: Qeveria paguan polica sigurimi për diasporën sa 384 paga vjetore të mjekëve

Mehmet Ballazhi sërish kandidon për kryetar të Hanit të Elezit

Pas deklaratave kundërshtuese nga Kosova në drejtim të tij, pasi e mohoi masakrën e Reçakut, Vulini ka përsëritur gjuhën dhe qëndrimin e thënë më herët.

Ndaj deklaratës së Vulinit javën e shkuar reaguan pos nga Kosova edhe ish-shefi i misionit të OSBE-së në Kosovë, William Walker, e Bashkimi Evropian.