Instituti Kombëtar i Shëndetit Publik të Kosovës, mbrëmë njoftoi edhe për 40 raste të reja me virusin COVID-19. Tetë prej këtyre rasteve janë nga rajoni i Vushtrrisë.

Edhe gjatë ditës së sotme pritet që në Vushtrri që të dalin rezultetet edhe për 30 persona të tjerë të cilët janë testuar si të dyshimtë për infektim me COVID-19, shkruan Reporteri.net.

Të gjitha këto janë raste kontakti me të prekur.

Që nga 1 qershori e deri më sot në Kosovë janë konfirmuar edhe 151 raste të reja me koronavirus, duke e çuar numrin e rasteve aktive në 313.

Sipas shifrave zyrtare, deri më tash 1,234 persona janë infektuar prej tyre 890 janë shëruar, kurse 31 kanë vdekur. /Reporteri.net/