Drejtues të Lëvizjes Vetëvendosje kanë arsyetuar shtrëngimin e duarve që kryeministri Albin Kurti bëri sonte me presidentin Hashim Thaçin me rastin e 12 vjetorit të pavarësisë. 

Arbërie Nagavci nga VV ka thënë se shtrëngimi i duarve “nuk është pajtim për gjithçka e me këdo”, kjo pas kritikave që ju bën nga ish-shokët e idealit, por jo vetëm.

Ndërsa sot zyrtarët e VV-së arsyetojnë “shefin” e tyre, vite më parë Albulena Haxhiu tani ministre e Drejtësisë kishte kritikuar ashpër Shpend Ahmetin pse ia kishte zgjatur dorën Thaçit ku ishin bashkë në një ndeshje basketbolli.

Haxhiu më 13 maj të 2016-tës kishte shkruar se “Shpendi është dashur ta gjejë forcën e të mos ia japë dorën Thaçit”, shkruan Reporteri.net.