Xhavit Haliti për raportimet se u ftua nga Specialja: Hajt, tung!

Dhomat e Specializuara të Gjykatës Speciale me seli në Hagë i ka dërguar ftesë ish-luftëtarit të Ushtrisë Çlirimtare të Kosovës, Xhavit Halitit, raporton një portal vendor.


Burime të portalit ‘Sinjali’ kanë bërë të ditur se Xhavit Haliti është ftuar për intervistë, por që ish-nënkryetari i Kuvendit të Kosovës nuk dëshiron ta bëjë publike ftesën e tij.

Në raportim thuhet se Sinjali ka provuar të kontaktoj me Halitin, por ai nuk ka pranuar të flas për këtë çështje.

I pyetur nëse është ftuar nga Gjykata Speciale ai ka thënë vetëm “Hajt Tung” dhe e ka mbyllur telefonin.

Kujtojmë se Xhavit Haliti ishte ndër figurat kryesore të UÇK-së si dhe pjesë e shtabit të përgjithshëm.