Xhemaili: Gjendje e rënduar e familjeve me asistencë sociale

Lajme

Xhemaili: Gjendje e rënduar e familjeve me asistencë sociale

Reporteri

06 Tetor 2020 | 10:00

Drejtori i Shëndetësisë dhe Mirëqenies Sociale në Komunën e Gjilanit, Selami Xhemaili ka thënë se masat për parandalimin e pandemisë e kanë rënduar shumë gjendjen e bizneseve të cilat operojnë në Gjilan.

Xhemaili për ka thënë se në Komunën e Gjilanit janë të hospitalizuar 9 pacientë, ndërsa raste aktive janë 69.

“Në komunën e Gjilanit janë shëruar gjithsej 930 pacientë, raste aktive janë 69, ndërsa nga fillimi I pandemisë e deri sot janë të konfirmuara gjithsejtë 1044 raste. Po presim rezultatin edhe të 27 mostrave”, ka thënë Xhemaili, Aleanca.press.

Lexo edhe:

Memli Krasniqi në Konventën e PDK-së: Kauza jonë është Kosova, të mobilizohemi për fitore të reja

Hamza: PDK e ka ndërtuar shtetin – jemi të gatshëm ta udhëheqim Kosovën për një të ardhme më të mirë

Veton Berisha: Ai mandatar që i siguron 60 vota, unë jam i 61

Ai ka thënë se Gjilani ka kapacitete të mjaftueshme në staf mjekësor dhe në mjete mbrojtëse për ofrimin e shërbimeve shëndetësore.

I pari i shëndetësisë në Gjilan është i kënaqur me bashkëpunimin me institucionet shëndetësore në nivel vendi.

“Bashkëpunimi me institucionet shëndetësore në nivel vendi, si dhe mekanizmat e tjerë siç janë; policia, Agjencioni i Emergjencave, Njësia e Zjarrfikësve, është në baza ditore në Qendrën Operative Emergjente (QOE), dhe deri sot është në nivelin e duhur”, ka shtuar Xhemaili.

Ai ka thënë se në Gjilan janë të licencuara 5 laboratorë privat të cilët i bëjnë testet serologjike.

“I kemi të licencuara 5 laboratorë privatë për teste serologjike, dhe krahas IKShPK-së, raportet e tyre I dërgojnë edhe në QOE”, ka përfunduar ai.

Shpërndaje: