×
  • Lajme
  • Zgjedhjet 2025 / Reagim

    Deklaratat e Gërvallës, Haradinaj i kundërpërgjigjet: Gjeneral jam me gradën e parë të UÇK-së, gradën e dytë e kam nga NATO

    Reporteri
    28 Janar 2025 | 21:20

    Kandidati për kryeministër i AAK’s ë, Ramush Haradinaj ka komentuar deklarimet e ministres së Punëve të Jashtme, Donika Gërvalla, e cila Haradinajn e quajti “gjeneral të vetëshpallur”.

    Haradinaj ka thënë se “Gjeneral jam me gradën e parë të UÇK-së pastaj gradën e dytë e kam nga NATO”, është kundërpërgjigjur Haradinaj.

    Tutje, kreu i AAK-së ka thënë se Gërvalla i ka bërë këto deklarime për disa arsye, të cilat sipas tij, lidhen me heqjen e maskës së kryeministrit të vendit, Albin Kurtit.

    “Unë jau kam hjek maskën domëthënë ia kam hjek maskën shefit të saj, Albinit. Ia kam pasë borxh atedhut me ia hjek maskën, po ia kam hjek edhe qeben edhe e kam shplu prej qebes”, ka thënë ai në një debat televiziv.

    Haradinaj ka thënë se kritikat e Gërvallës nuk i lënë përshtypje, por ka theksuar se ministrja Gërvalla do të duhej të fliste më shumë për rezultatet në mandatin e saj katërvjeçar.

    “Për mu nuk çon peshë kurgjo. Le të na tregon se cilin rezultat e ka? A i ka sjellë ndonjë njohje këtij vendi?”, ka pyetur ai.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2025. Të gjitha të drejtat e rezervuara.

    Linku i lajmit u kopjua!