Në Qendrën e Numërimit të Votave të Komisionit Qendror të Zgjedhjeve po vazhdon numërimi i votave me postë. 

Deri më tani janë numëruar mbi 90 për qind të votave me postë.

Sipas përditësimit të fundit janë numëruar 90.66% të votave ose 168 nga 182 vendvotime, shkruan Gazeta Online Reporteri.net.

Lëvizja Vetëvendosje vazhdon të kryesojë bindshëm në rezultatet e numërimit të deritanishëm të votave.

Sipas të dhënave aktuale, Lëvizja Vetëvendosje ka siguruar 72.64 për qind të votave, apo 31,496 vota. Në vendin e dytë renditet Lidhja Demokratike e Kosovës (LDK) me 10.20 për qind, përkatësisht 4,422 vota.

Partia Demokratike e Kosovës (PDK) ka marrë 9.23 për qind të votave, apo 4,003 vota, ndërsa Aleanca për Ardhmërinë e Kosovës (AAK) ka siguruar 3.97 për qind, me gjithsej 1,721 vota.